la bulle Militia Dei du 7 avril 1145

fulminée par le pape Eugène III

 

La bulle Militia Dei confirme l’indépendance des chevaliers du Temple vis-à-vis du clergé séculier en leur donnant le droit de prélever des dîmes, de bâtir leurs propres chapelles ainsi que d’enterrer leurs morts dans leurs propres cimetières.

La bulle Militia Dei constitue avec les bulles Omne Datum Optimum et Milites Templi la base des privilèges de l’ordre du Temple qui assura le succès et la pérennité de cette institution.

 

VERSION ORIGINALE LATINE

 

Eugenius episcopus servus servorum Dei. Venerabilibus fratribus patriarchis, archiepiscopis, episcopis, abbatibus clericis et laicis Dei fidelibus ad quos iste pervenerint, salutem et apostolicam benedictionem. Milicia Dei que dicitur Templi, quam sit Orientali ecclesie commoda, meritis digna, Deo grata, universitatem vestram credimus non latere. Exhortatur igitur nos fraterna charitas ut, in quantum possumus, ei optata solatia ministremus, et, quoniam religiose vivunt et divinis interesse affectuose curant officiis, liberam facultatem eis concedimus undecumque idoneos presbiteros ad suum servitium assumere, qui bene sint ordinati et licentiam proprii episcopi habeant. Ad hec eisdem fratribus commodius prospicere cupientes, nullius tamen vestrum jus parochiale volentes minuere, decimas sive oblationes aut sepulturas auferre, in locis sibi collatis, ubi videlicet sua familia habitat, oratoria construere ipsis licentiam dedimus, in quibus divina audiant officia, et ibidem si quis de fratribus aut servientibus mortuus fuerit tumuletur ; indecens enim est et animarum periculo proximum religiosos fratres, adeunde occasione ecclesie, se virorum turbis et mulierum frequentationibus immiscere. Hujus rei grafia fraternitati vestre mandamus atque precipimus ut cum ab eisdem fratribus requisiti fueritis, eadem oratoria absque pravitate aliqua consecretis atque pro sepultura ejusdem familie sue in prefatis locis cimiteria benedicatis, presbiteros quoque quos ipsi pro exhibendo sibi divino servitio sociaverint permittatis in pace manere. Ad hoc igitur complendum vestra fraternitas opem et consilium atque assensum prebeat, neque eos ad oratoria construenda impediat aut impedire permittat. Datum apud civitatem Castellanam VII idus aprilis.

 

Copie du XIV* s. : Barcelone, Arch. de la Couronne d'Aragon 309, fol. i.

Source: Marquis d'ALBON. Cartulaire général de l'ordre du Temple. Paris, librairie Honoré Champion, 1913, p. 382

Additional information